లోచని

జ్వలనం

2011-12-13T08:04:00.000-08:00

వెలుగై నిలచినపుడు అది

ఒక దీపం

చీకట్లు పారద్రొలుతూప్రకాశిస్తె అది

ఒక జ్యొతి

వెలుగులు పంచుతూ దిశానిర్దేశనం చేసే వేళ

చేసేవేళలో అది ఓ కాగడ

ప్రమాణాలకు సాక్షీభూతమై నిలచిన వేళ

అది అగ్నిహొత్రం

అంతేకాదు -

అది నీలో....

పగగా నిలచి రగిలినపుడు జ్వాల గాను

చింతగమారి జ్వలించినపుడు చితి గాను

మనసుని దహించే జ్వలనశక్తి

ఐనా -

జిజ్ఞస నీలో మొదలైతే అది

అఖండ జ్యొతిగా వెలుగుతుంది

నిత్యచైతన్యానికి ప్రతీకగా మెదులుతూఉంటుంది!!

తల్లి దీవెన

2011-11-28T07:26:00.000-08:00

పసితనములొ ప్రతిశిశువూ 'అమ్మా!' అంటూ ఆర్తిగా పిలవడం ఆకన్నతల్లి పరుగున రావడం బిడ్డ అవసరాలు తీర్చడం అందరికీ తెలిసిందే. పెద్దవాళ్ళైనాకా అమ్మకి ఎమీతెలీదనుకోవడం, అమ్మకి ఎందుకులే చెప్పడం అని పిల్లలు సాధరణంగా అనుకుంటూ ఉంటారు. కానీ అమ్మకి అన్నీ తెల్లుస్తాయి ఎల అంటే ఎల్లవేళా బిడ్డ క్షేమాన్ని కోరే అమ్మ అశీర్వచనానికి అంత బలముంది మరి. అందుకే ఆమె దేవత అన్నారు.

శ్రీశారదాదేవి ఇలా అన్నారు. ఇది పిల్లలందరూ గుర్తుంచుకోవలసినదే.

నేను ఎల్లపుడూ నేవెంటే ఉంటాను. నీతల్లినైన నన్ను మరువనతవరకు నేకు ఎలాంటి ఆపదా వాటిల్లదు. నీవు కష్టంలో ఉన్నప్ఫుడల్లా 'నీకొక తల్లి ఉందీ అని గుర్తుంచుకో.

బంగారు బాల్యం

2011-11-13T19:09:00.001-08:00

ఆటల పాటల అల్లరిలో

చదువు సంధ్యల సాంగత్యంలో

కధలూ కలల సాహసమై

ఎదగాల్సిన బాల్యం...

తరగతి గదుల ఇరుకులలో

ఆటపాటలకు తావే లేని

సంకుచితమైన విద్యా విధానాలతో

కంప్యూటరూ,టీవీల

విషపు ఉచ్చులోబందీ అయిపోయింది

ఆలోచనల రెక్కలతో

సాహసయాత్రలు చేయాల్సిన బాల్యం

అనుబంధాల మధ్య

అనురాగాలతో గుబాళించాల్సిన బాల్యం..

అర్థం కాని భావోద్వేగంతో

తుపాకులలో రక్తపాతాల్ని

రేసులతో అర్థంలేని వేగాన్ని

కంప్యూటర్ 'కీ' బోర్డుతోనే

అందుకునే ప్రయత్నం చేస్తూంది

తప్పు..ఒప్పు తెలియని బాల్యానికి

ప్రపంచాన్ని సాసించే సైబర్ మాయ

'ఇంటర్నెట్' ఉచ్చులు వేసింది

మార్కెట్ మాయజాలానికి

బాల్యం - అనే ఎరచిక్కింది

రేపటి యువత నిస్తేజమౌతూంది

రేపటి భవిత నిద్రాణమౌతూంది

స్వార్థం వీడని రాజకీయం

రక్కస కోరలు చాచింది

ఆహారం , విద్య,వైద్యం

సక్రమంగా ...

అందించాల్సిన ప్రభుత్వం

బంగారు బాల్యానికి

బాసటగా నిలవాల్సిన ప్రభుత్వం....

అనారోగ్యకర(కల్తీ) ఆహారానికి

తెరచాటు సంకేతాలనిచ్చింది

ముదిరిన రోగాలు, సహాయ 'చర్యాలంటూ

నివారణ ,నియంత్రణ మాటే మరచింది

ప్రాధమిక విద్యా ప్రాధాన్యాన్నే ఏమార్చి

లంచాలతో,అవినీతితో

రాజకీయ లబ్దికి తెరతీసింది

పథకాలాంధ్ర ప్రదేశం

2011-09-23T11:06:00.000-07:00

విత్తనాల కొరత

పెట్రోలు మోత

పన్నుల వాత

వెరశి-

సామనుడికేనా వెత?

‘మప్పితే తిప్పలేరు’

2011-09-17T10:00:00.000-07:00

మప్పితే తిప్పలేరు- చాలమంది తెలుగువాళ్ళకి ఈసామెత గుర్తుండేవుంటుంది. ఏదైన ఒక చెడు అలవాటు చేస్తే అది మానిపించడం చాలాకష్టం- అని చెప్పడానికి ఏ సామెత వాడుతూవుంటారు. ఒక పిల్లవాడికి ప్రతిరోజూ చాకొలెట్ లంచమిచ్చి బడికి పంపడం అలవాటు చేసారనుకోండి, చాకొలెట్ అలవాటు మాత్రం మరి మానిపించలేము. ప్రస్తుతకాలంలో రోజూ కాలక్షేపానికి టెలివిజన్లొ చూసె సీరియళ్ళు, వీడియె ఆటలు , చిరుతిళ్ళు ... ఇలా ఒకటెమిటి? ఒకరితొపాటు ఇంకొకరు అలవాటు చెసుకుని, మొదటి వారు మానివేసినా రెండవారు మానలేరు.

ఇక ధుమపానం, గుట్క, తాగుడు, పేకాట(వక్కపొది, కాఫీ లాంటివి కూడా చేర్చుకోవచ్చునండొయ్) లాంటి వ్యసనాలన్నీ కూడ ఇంకొకరిద్వారా అలవాటు అయ్యేవే.

పేకాట వ్యసనాన్ని మానిపించడానికి ప్రభుత్వం చర్యలు చేపట్టింది(ట)పేకట క్లబ్బులమేద దాడి చేసి. అసలిదంతా ఎందుకు చెబుతున్నానంటే, ఈమధ్య వింత కేసులు వస్తున్నాయ్ కౌన్సిలింగుకి. సాధరణముగా భర్తలు తాగివచ్చి భార్యాపిల్లలని హింసించడం వింటూవుంటాం. కాని ఇపుడు భార్యలు తాగివచ్చి(రకరకాల కారణాలవల్ల తాగుడుమానేసిన భర్తలను, ఇతర కుటుంబసభ్యులను ఇబ్బంది పెడుతున్నారట. ఇక భరించడం మావల్ల కావడంలెదు అని వాపొతున్నారు సదరు భర్తలు. దీన్నే 'మప్పితే తిప్పలేరూఅంటారు మరి.

చివరగా ఒకమాట- మహిళామణులు మాత్రమే ఇంతవరకు మద్యనిషేధం గురించి ఆందొళనలు చేస్తున్నారుకదా! ఇక మగవాళ్ళు అంటే భర్తలు కూడా వారి వెంట చేరేరొజులు వచ్చేస్తున్నాయ్.!!!

ఆవిష్కరణ

2011-09-13T08:39:00.000-07:00

ఆకాశంలో ..

చుక్కలు లెక్కపెడదామనుకున్నా

సాధ్యం కాలేదు

భళ్ళున తెల్లవారింది

నేలనురాలిన మంచు బిందువులను

లెక్క పెట్టాలనుకున్నా

లేలేత కిరణాల తాకిడికే - అవి

కరిగి ప్రకృతిలో లీనమయ్యాయి!

కొమ్మ కొమ్మనూ విరిసిన పారిజాతాలను

చూసి పులకించిపోయాను

చిరునవ్వుల ఝల్లులా

నేలరాలాయి అన్నీ

మళ్ళీ ఉషోదయం కోసం

ఎదురు చూడమని సెలవిచ్చాయి

ఆనందాల హరివిల్లుకిదే

వేదికంటూ బదులిచ్చాయి!

వెలిగే సూర్యునికి,మలిగే చంద్రునికి

ఉదయం,అస్తమయం రెండూ ఒకటే

తర్క వితర్కాల్లోనే వుంది చింత

ఆనందం అందుకోవడం అంటే…

ఆలోచించే హృదయంలోనే.

అవధుల్లేని ఆనందం అంటే

అంచుల్లేని ఆకాశమే

అది -

ఆవిష్కృతమయ్యేది

ప్రేమను పంచే హృదయంలోనే !

కూరిమి నిండిన హృదయంతోనే !!

రాజకీయ చైతన్యము

2011-02-18T08:35:00.000-08:00

నమ్మిన సిద్ధాంతాల కోసం ప్రాణత్యాగానికైనా సిద్ధపడడమే నాయకత్వ లక్షణం. కానీ త్యాగం చేయకుండానే నాయకులమవ్వాలనుకోవడం వల్ల ఫలితం శూన్యం - స్వామి వివేకానంద

మనస్సు, వాక్కు, కర్మలు - ఈ మూడు ఎవరి యందు ఒక్కటి అవుతాయో

వారు ప్రపంచాన్ని ఉర్రూతలూగించగలరు. ఈ సత్యాన్ని ఎన్నడూ మరువకండి - స్వామి వివేకానంద

నాయకులని మనము గుర్తించాలి. ప్రజాప్రతి నిధులనివారు గుర్తుంచుకోవాలి. భాద్యతకలిగిన పౌరునిగా మనము ఓటు హక్కుని ఉపయోగించుకొవాలి. రాజకీయ చైతన్యము అంటె అది రాజకీయాల్లొ ఉండేవారికి మత్రమే కాదు మనము కూడా గమనించాలి. మనము కుడా రాజకీయ చైతన్యము కలిగిఉండాలి. కుళ్లురాజకీయలు మనకెందుకు అనుకొవడము సరి కాదు. ప్రక్షాళన మొదలు పెట్టల్సిన సమయం ఆసన్నమైంది. సకాలములొ సంధిస్తే మంచిది కదా.

నేటి రాజకీయ(వి) చిత్రం

2011-02-16T17:05:00.000-08:00

మనం తెల్లారి లేస్తే న్యూస్ పేపరు చదువుతాం,టి.వి.లో వార్తలు చూస్తాం,చూడకపోయిన ఏ ప్రోగ్రాంకైనా కింద స్క్రోల్ వేస్తారు కదా! అవన్నీ ఒకసారి చూసి వదిలేస్తాం.కానీ బాధ్యతకలిగిన పౌరులుగా ఈ దేశ రాజకీయాల్నీ,ప్రజా ప్రతినిధులనీ ఒక వెంట పరిశీలించక తప్పదు.

'ప్రజా సేవ ' మరచిన ప్రజాప్రతినిధులకు
ప్రజలంటే ఓటరుగొర్రెల గుంపు
నీతి నిజాయితీలు మరచినవారికి
పదవుల పైనే పంచప్రాణాలు
- నిలబెట్టు కోడానికి తెగిస్తారెంతనైనా
- విఙ్ఞత కలిగిన ఓటరూ మెలుకో ఇకనైనా

కూడికలు తీసివేతలు సమీకరణాలు
ఇది గణితం కాదు - నేటి రాజకీయ చిత్రం
పదవులొద్దు ప్రజాసేవే పరమార్థం అంటే
నమ్మకండి 'ఆషాఢభూతి ' కబుర్లు
- ఎన్నికలప్పుడు ఓటు కాజేస్తాడు
- ఆనకబంధుప్రీతిని చాటుకుంటాడు

పార్టీ పెట్టి సీట్లమ్ముకున్నవాడు
నమ్మిన వారికి న్యాయం చేసాడట
విలీనసభలోనైనా వెల్లడవుతుందా?
'చేతివాటం' ఎవరికెంత మూల‘ధనం’గా మిగిలింది?
- సామాజిక న్యాయం చట్టుబండలైంది
- మెగా రాజ్యం చిన్నబోయింది

పార్టి పెట్టింది బడుగుల కోసం
విలీనం చేసింది బడా బాబుల కోసం
ఆదర్శాలు వల్లించడం అంటే
స్క్రిప్టు చదివినంత సుళువు కాదు
- హిట్టు ఫ్లాపు అంటే
- వసూళ్ళలో తేడా కాదు

అరాచకాల్ని ఎదిరిస్తానంది 'చిరు 'చేప
ఎరకి ఆశపడి గాలానికి చిక్కింది
అయినా ఇంకా ఏదో సాధిస్తానంటుంది
ఎంత ఎత్తు ఎగిరినా పడేది జాలరి బుట్టలోనేగా
- ఈమాత్రానికే కెరటాలు బెదరవు
- కాల ప్రవాహం ఆగదు

*******

నానీలు

2011-02-14T09:19:00.000-08:00

పదవిని పట్టు కాలేజీ పెట్టు
నిన్నటి మాట
పదవిని పట్టు పార్టీ పెట్టు
కోట్లు మూటగట్టు నేటి మాట

నల్ల ధనం మూటగట్టు
అవినీతి అరాచకమని ఊదరగొట్టు
సమీకరణాలు మొదలు పెట్టు
క్రొత్త పార్టీకి పేరుపెట్టు

ప్రజాసేవ చేసిన వారు
నిన్నటి తరం నాయకులు
పార్టీ సేవ చేసిన వారు
నేటి మేటితరం నాయకులు

క్రొత్త నీరు వచ్చింది
పాత నీరు పోయింది
కొత్త పార్టీ వచ్చింది
పాత పార్టీలో చేరింది

ప్రజాభిమానం ఒక వెల్లువ
అది అవతరించింది ప్రజారాజ్యంలో
కార్యకర్తల అభిమాన ధనం
నిలచి వుంటూందా ఆ 'చేతిని '?

తెల్లని వన్నీ పాలు
నల్లనివన్ని నీళ్ళు నాటిమాట
తెల్లని పాలైనా నల్లని నీరైనా
కల్తీ మాటునే అనేది నేటి మాట

నీరు పల్లమెరుగు
నిజం దేవుడెరుగు
ప్రాజెక్టులు ఇంజనీర్లకెరుక
కోట్లాది రూకలు నాయకుల జేబులెరుగు

కుక్కపిల్ల సబ్బు బిళ్ళ
కాదేది కవితకనర్హం
ఉప్పు - పప్పు,నింగీ-నేలా
కాదేదీ స్కాములకనర్హం

మానవత్వం

2011-01-18T08:45:00.000-08:00

మనుష్యులు మానవత్వాన్ని, దేవతలు దైవత్వాన్ని, రాక్షసులు రాక్షసత్వాన్ని ప్రదర్శిస్తారని - అది వారి నైజమని మనకందరకూ తెలుసును. కొంచం దుర్మార్గంగా ఉన్నవారిని రాక్షసులతోనూ, ప్రేమా, కరుణ ఎక్కువగా నిండినవారిని దైవంతొనూ పోల్చుకుని మనం వ్యవహరిస్తూంటాం. ఒక్కోసారి మనుషులు "మానవత్వాన్ని" అంటే మనిషియొక్క సహజగుణాన్ని మరిచిపోయి ఫ్రవర్తిస్తూ ఉన్నారని అంటూ, అనుకుంటూ ఉంటాం. మనకి ఒక దెబ్బ తగలగానే అమ్మా! అనే ఆర్తనాదం ఎంత సహజమో, సాటి మనిషి కష్టంలో ఉన్నప్పుడు అంతేసహజంగా స్పందిస్తే మానవత్వం, మనుషుల్లో ఉంది అనేగా అర్ధం. ఉదా:- ఒక రోడ్డుమీద ఏదైనా ప్రమాదం జరిగిందనుకోండి. వెంటనే ఉరకలు పరుగుల్లో ఉన్న మనుషులంతా ఠక్కున ఆగి చూస్తారు. కొందరు వారికి ఆపన్నహస్తం అందిస్తారు. మరి కొందరు సహయచర్యలు చేపడతారు. ఇంకొందరు పెద్దప్రమాదం తప్పిందని ఆ భగవంతునికి ప్రణామాలు అర్పిస్తారు. ఇదంతా నేటికీ మనుష్యుల్లొ మానవత్వం ఉందని రుజువు చేసే సంఘటనలే కదా! ఇటీవల నాకెదురైన సంఘటనల్లొ మన చుట్టూ ఉన్న మానవతా విలువల పట్ల నా స్పందన కవితా రూపంలో.

ఆహ్లాదకరమైన వాతావరణం
సాఫిగా సాగే వాహన ప్రయాణం
అంతలోనే చిన్న దుర్ఘటన
మన చేతుల్లో ఏది లేదనే ఘటన
అదుపు తప్పిన నాలుగు చక్రాలు
పల్టీలు కొట్టడమే నిదర్శనం
భగవంతుడా! ఇపుడెలా?
ప్రశ్న? నా అంతరంగంలోంచీ-
సమాధానంగా నా చుట్టూ...
నర రూపంలోని నారాయణులు అనేకులు
చక.. చకా.. రక్షణ చర్యలు..
టక టకా ....స్వాంతనవచనాలు
బిర.. బిరా ...చుట్టూ...
పరచుకున్న మానవత్వం
అందరిలో ఒకటే ఆశ్చర్యం!
అందరినోటా ఒకటే మాట -
దెబ్బలు తగల్లేదు కదా
అదృష్టవంతులు మీరు
దైవం మిమ్మల్ని కాపాడాడు
- ఏవేవో అంటున్నారు అనుకుంటున్నారు

నిజమే!
నాడు ప్రహల్లాదుని
కొండలపై నుండీ లోయల్లో పడినప్పుడు
రక్షించిన ఆ చక్రధారి
ఇపుడు నా రక్షకుడై వున్నాడు మరి.

పలుకు

2010-12-19T22:52:00.000-08:00

ఒక్కొక్క భాషకి పలుకుబడి చాలా ముఖ్యం.మాటని పలికే విధానం అది వినే వారి మీద చాలా ప్రభావం చూపిస్తుంది.నోటి మాటల చేత మన్ననలు పొందవచ్చు , మాటల చేత దేవతలు కోరిన వరాలు ఇస్తారు. అలాంటిది ఒక్కోసారి ఆ మాటలు సరిగా వాడనపుడు విరోధుల్ని కొని తెస్తాయని కూడా మనకి తెలుసు.ఒక పండితుని కంటే కూడా వక్త చాలా గొప్పవాడంటారు.ఎందుకంటే
పదివేలమంది పండితుల్లో ఒక్కడే గొప్ప వక్త అవుతాడని పండిత వాక్కు.సభలో అనర్గళంగా మాట్లాడటమే కాదు వారిని చైతన్య పరిచి,తాను చెప్పదలచుకొన్న విషయాన్ని సూటిగా ,స్పష్తంగా చెప్పి మెప్పించాలి.
తప్పుడు మాటలు, తప్పుడు సంకేతాలు వారి ప్రసంగాల్లో దొర్లితే ,అనేకమంది అదే ప్రభావానికి లోనయ్యే ప్రమాదం వుంది.సభలోనే కాదు కాలక్షేపం కబుర్లు కూడా ఆచి తూచి సరిగ్గా మాట్లడాలి.ఎవరి గురించి చెడు మాట్లాడకూడదు,మంచి విషయాల్నే మాట్లాడాలి.
భారతరాజ్యాంగం ప్రకారం మనకి వాక్స్వాతంత్ర్యం ఉన్నప్పటికి కొన్ని పరిమితులున్నాయి కదా! ఇటీవలి కాలంలో పెనుదుమారం లేపిన వికేఎలేక్స్ ఉదంతం ఉదాహరణ మాత్రమే. మహాత్మగాంధి చెప్పినట్లు "చెడు అనవద్దు చెడు వినవద్దు చెడు కనవద్దు" ఇది చాలా సులభంగా అందరికే అర్ధమయే మాట, నిత్యం గుర్తుపెట్టుకొని ప్రతిమనిషీ ఆచరిచవలిసిన తారకమంత్రం అన్నా అతిసయోక్తి కాదు కదా.సరియైన మాటలు తట్టనపుడు, సరియైన మాటని వ్యక్తీకరించలేనపుదు - ఒకదానికొకటి మాట్లాడేబదులు మౌనాన్ని ఆశ్రయించడం మేలు. మాటకందని భావన్ని కనులు వ్యక్తీకరిస్తాయి.భాష/ మాటతో పనిలేకుండా చిన్న ,పెద్దలెవరైనా విషయాన్ని గ్రహించగలరు.
ఇదండీ, మాటయొక్క కధాకమామీషు. ఇందులో ఎక్కువ మాటలు దొర్లితే మీరు మాత్రం మౌనాన్ని ఆశ్రయించండి.నేనర్థం చేసుకొంటాను.

నివాళి

2010-10-02T02:12:00.001-07:00

అహింసే పరమోన్నత ధర్మం
అన్నారు బాపూజీ
గాంధిజీ నిరాడంబరతకు
మహోన్నత రూపం మన లాల్ బహదూర్ శాస్త్రి
కాదా మనకి ఆదర్శం!
కానీ
హింసే సర్వోన్నత 'ఆదర్శం'
అంటున్నాడు నేటి మనిషి
అరాచకాలకూ,ఆందోళనలకూ
దారి తీసే హింసనే అనుసరించాలా?
గాంధీ జయంతి పేరుతో
ఒక పని దినాన్ని
సెలవు దినంగా పరిగణించే మనం
తెలుసుకోవాలి నేడే
‘ అహింసా పరమో ధర్మహ , సత్యమేవ జయతే ’
ఆలోచన చేద్దాం ఇప్పటినుండీ
అనుసరిద్దాం నేటి నుండీ.
ఇదే నిజమైన నివాళి వారికి

అందరూ మహాత్మా గాంధీజి,లాల్ బహదూర్ శాస్త్రిజీల గురించీ తెలుసుకొని ,ఇంకొకరికి వారి గొప్పదనం తెలియచేస్తే బావుంటుంది.

విలువైనది జీవితం

2010-09-27T07:22:00.000-07:00

జీవితం
చాలా చిన్నది
అయినా సుధీర్ఘమైనది
అది అంతం తెలియరానిది
అయినా ఆద్యంతమూ రసమయ భరితం
వసంతాలన్నీ వచ్చి వెళ్ళెవే
వేదనలు మాత్రం నిలచి
భారమై సాగేవి
అంతులేని సాగరాన్ని
అవధుల్లేని ఆకాసాన్ని
చుంబించే సుందర దృశ్యం
ఈ భూగోళం
ఏగిరే పక్షికి ,నడిచే ప్రాణికి
నిలిచే చెట్టుకి - ఓదిగే కొండకి
పుడమే కదా! అమ్మ ఒడి
విలువైనది జీవితం
వ్యర్థం చేయబోకు రాగద్వేషాలతో
భారమై సాగుతుంది బ్రతుకు
అందుకే
ఆనందం పంచాలి
అప్పుడే
తేలికవుతుంది మనసు
సఫలమవుతుంది బ్రతుకు

రావి దుర్గా ప్రసన్న.

{సెప్ 'నేటి నిజం ' 09-09-10}

క్రీడా స్పూర్తి

2010-09-21T07:17:00.000-07:00

క్రీడలు- ఆటలు,ఇండొర్ -ఔట్ డోరు ,పజిల్స్ - అన్ని రకరాకాల ఆటలు. పిల్లలు పెద్దలు అనేక రకాల ఆటలలో మునిగి తేలి కొత్త ఉత్సహన్ని పెంచుకొనె ఆటలు. మైదానాల్లొ ఆదే ఆటలు పిల్లల్లోసారీరిక మానసిక ధృఢత్వాన్ని పెంచుకొడనికి దోహదపడతాఇ. కానీ నేటి కాలంలో పిల్లలకు ఆటలేవి? ఆడించేవారేరి? మూడొ ఏటినుండి బడిలొ వేసి వాళ్ళకు అర మార్కు తగ్గినా బాధపడే తల్లులు - ఆవేదన చెందే తండ్రులు. పోటి ప్రపంచం లొ తమ పిల్లలే ముందుండాలని వారిని మార్కులు సంపాదించే పనిముట్లు గా తయారుచెయడం న్యాయమా?

జీవితం అంటే కష్టం - సుఖం, ఆశ - నిరాశ, పట్టుదల- పరిశ్రమ, నీతి - నియమం, ఇలా పగలు రేఇలా ఒక దానివెంట ఒకటి వుంటాయని పరిశ్రమించడమే మన వంతు అని,ఫలితం ఏదైన స్వికరించు అనే ఆలోచన పిల్లలలో పెంచాలి. తరగతిలో మార్కులు సంప్త్దించినంత సుళువు కాదు జీవితంలో ప్రెమ - పెన్నిధి పొందం. జేవించడం అంటే మనకొసమే మనము కాదు. మనుషులమైనందుకు దైవత్వం కాకపొఇన మానవత్వం మన మన్సులలో నిండాలి. అపుడే ప్రేమించ లేదని ద్వేషించడం, ప్రేమించ లేదని మరణించడం, ప్రేమించ మని అంటూ ఉసురు తేసె ప్రెమికులు/ఉన్మదులు లేని సమాజం మంది అవుతుంది కదా. ప్రతి మనిషికి గెలుపు ఓటములను సమానంగా స్వ్కరించే క్రిడా స్పూర్తి వుండాలి.

ఓటమి లో గెలుపు

2010-09-20T06:22:00.000-07:00

ఆశ ..ఆశ ఆశ అనేది మనిషికి ఆక్సిజన్ లాంటిది.జీవితం మీద, మనం చెసే పని పని యెక్క ఫలితాల మీదా ,వుండే ఆశతొనే మనిషి బ్రతుకుతున్నాడు. ప్రక్రుతి లొ ఏ ప్రాణీ నిరాశతో కృంగిపొదు.అలాంటిది మనిషి మాత్రం తన వైఫల్యాలకు ఎందుకు కృంగి పొవాలి??

ఆకులు రాలాయని
చెట్టు మొడు కాదుగా!
రెమ్మ రెమ్మనూ క్రొత్త
చిగురులు తొదిగి
పచ్హదనంతో పరిమళించదా?

ఆసలు కూలాయని
అంతరంగానికి ఇంత
మధనమెందుకు??
వేదనలో ... శొధన లేదా??
విధికెదురీదడం కర్తవ్యం కాదా??

ఆత్మ సొధనే ఆలొచనల
కేంద్రం ఐతే గమ్యం నీ చేరువ కాదా!
మొదలు నరికి,కూల్చినా అరటి భొరున విలపించదే !
తన పిలకల మొలకలతో
క్రొత్త క్రొత్త సందడులు చేయదా??
ఓటమిలోనే గెలుపుందని
తేల్చి చెప్పదా??

{ స్వీయ కవిథ- ' ఓటమి లో గెలుపు '
ప్రచురణ - సాహితీ కిరణం మాసపత్రిక Sep'10}

తెలుగు(కు) - వెలుగు

2010-09-19T09:14:00.000-07:00

తెలుగు భాషను గురించి ఒకప్పటి తెలుగుభషా వైభవాన్ని గురించి ఇపుడు తెలుగువారంతా ఎక్కువగా చర్చించుకొంటున్నారు.ఇది సంతొషించతగ్గ, ఆహ్వనించతగ్గ పరిణామమే.ఎందుకంటే తెలుగులొ మాట్లాడితె చిన్నతనంగా భావించడం అనే ఆలొచనా పరిధి నుండి తెలుగును కాస్త ధైర్యంగా మాట్లాడడానికి, చదవడనికి, వ్రాయడనికి ఇపుడు ప్రజలు ఎక్కువ ఆసక్తిని చూపిస్తున్నారు.పైగా తెలుగును బతికించుకొవాలని పరిరక్షించుకొవాలనే ఆరటాన్ని కూడా వ్యక్త పరుస్తున్నారు. పిల్లలు పెద్దలు ముఖ్యంగా చదవడం,చదివించడం(పుస్తకాలని) అలవాటుగా పెట్టుకోవాలి .తెలుగు అంటే మాతృభాష లోని నుడికారాలను వాటి యొక్క ఇంపు సొంపులను పిల్లలకు అర్థం అయ్యేట్లుగా పెద్దలు ఇంట్లో నుండీ అలవాటు చేస్తే పిల్లలు ఆసక్తిని పెంచుకొంటారు.

ఆంగ్లంతొ పాటు మాటృభాష పట్ల మక్కువను పెంచుకొంటారు. చదవడం అంటె మార్కులు / స్కోరింగు అనే కాక చదువంటే జీవితాన్ని అధ్యయనం చెయడం అనీ అది మాతృభాషా అధ్యయనం ద్వారా బాగా ఒంట బట్టే విషయమని తెలియచెప్పాలి. తెలుగును నేర్పించి, తెలుగు పుస్తకాలని చదివించడం ద్వారా తెనెలూరే తెలుగు కమ్మదనాన్ని వుగ్గుపాలలోనే రంగరించడం చాలా ముఖ్యం. అపుడు తెలుగు భాషను బ్రతికించుకోవడం - రక్షించుకోవడంలాంటి దురవస్ఠకి మనం దూరంగా వుండగలం.
ఆలా తెలుగు తల్లికి ముద్దుబీడ్డలమై రాజిల్లుతాం.

అఙ్ఙానాన్ని తొలగించే వారంతా గురువులే .....

2010-09-05T06:33:00.000-07:00

మాత్రుదేవోభవ పిత్రుదేవోభవ గురుదేవోభవ అని ఆర్యోక్తి అంటే తల్లిదండ్రుల తరువాత గురువుకి దేవునితోసమానంగా అంతటి ప్రాధాన్యం ఇచ్చారు. కాని నేడు పిల్లలకు కనిపించె గురుదేవుడు వారికి ఒక జీతానికి పనిచేసే న్యక్తిగా కనపడడం శొచనీయం. పిల్లలు ఏవిషయమైనా తల్లిదంద్రుల నుండే నేర్చుకుంటారు. కనుక తల్లితండ్రులు వారి గురువులను, పిల్లల గురువులనూ భక్తిగా, గౌరవంగా చూస్తీ పిల్లలకు కూడా గురువులపట్ల భక్తి భావన పెరుగుతుంది. గురువుల తప్పుల గురించి పిల్లల ఎదుట ప్రస్తావించకుండా ఉండటమే మంచిది.
ఇక గురువులు కూడ జీతము కొసమే పనిచెస్తున్నామని కాక విద్యను అర్ధించి వచ్చే వారికి విద్యాబోధన చెయ్యాలి. అంతేకాక చిత్తశుద్ధితొ ఆత్మ శుద్దితొ ఆదర్షప్రాయులుగా వుండాలి. ఉన్నతమైన విలువలు వారికి నేర్పాలి. విద్యార్ధికి అఙ్ఙానమనే చీకటిని తొలగించి విఙ్ఙానమనే వెలుతురు వైపు నడిపించి వారికి మార్గదర్శకులుగా గురువులు ఉండాలి.అలాంటప్ప్పుడు , చీకటిని వెన్నంటిన వెలుగులా శిష్యుల మదిలో గురువులు కలకాలం నిలచిపోతారు.

ఉపాధ్యాయ దినోత్సవ శుభాకాంక్షలు

2010-07-21T08:57:00.000-07:00

మన జీవితాన్ని స్వర్గధామంలా లేదా నరకయాతనగా మార్చుకొవదం మన చెతుల్లొని పనే.ఏదొ ఎక్కడొ వుందని వెతుకులాడవలసిన పనేది లేదు. ఏది ఎక్కడ ఉండాలొ అవి అక్కడే వుంటాయి వాటిని సాధన ద్వార పొందవలసి ఉంటుంది. ఆసాధనా చాతుర్యం ఎక్కడో ఉండదు మనలో,మన పరిసరాల్లొ ఉంటుంది. దర్సించగలిగె ద్రుష్టి ఆలొచించె మనస్సు,స్పందించె హ్రుదయం ఉండాలి అంతె.

మనలొ ఎంతోమంది విఙ్నత కలిగినవారు ఎత్తుపల్లలు చవిచూసినవారు, సమద్రుష్టితొ ఆవ్యవహరించె దక్షత కలిగినవారు ఉన్నారు."లోచని" లొ మన ఆ'లోచనల'కు పదును పెడదాం.స్పందించె గుణం కలిగినమనకు ఈ సంఘం తెరచిన పుస్తకం. అటువైపు చూద్దాం. ఆలొచిద్దాం. ఆ'లోచనల'ను పంచుకొందాం. ఆలొచించె మెదడుకు ఆడ మగా తేడా లెదు. మేధస్సు మానవ జాతి సొత్తు.